БутКэмп2 – мерапрыемства, якое збярэ айці-валанцёраў праекта «Лічбавая Майстэрня» і зацікаўленыя ў тэхнічнай дапамоге грамадскія ініцыятывы. На сустрэчы, якую ладзіць МГА «Фаланстэр», будуць разглядацца вынікі выкананых праектаў, а таксама абмяркоўвацца праекты на будучае.
Да ўдзелу запрашаюцца людзі, якія жадаюць падрабязней даведацца пра айці-валанцёрства, так і ініцыятывы, якія адчуваюць неабходнасць у дапамозе тэхнічнага накірунку.
У першай частцы мерапрыемства грамадскія некамерцыйныя ініцыятывы распавядуць пра тое, як яны вырашылі свае тэхнічныя праблемы з дапамогай валанцёраў праекта «Лічбавая Майстэрня».
Спецыялісты праекта, у сваю чаргу, раскажуць як яны ўзаемадзейнічалі з грамадскімі арганізацыямі і чаму навучыліся падчас валанцёрства.
У другой частцы мерапрыемства ініцыятывы абмяркуюць са спецыялістамі свае патрэбы і праблемы тэхнічнага накірунку. Валанцёры змогуць прапанаваць сваю дапамогу, даць парады адносна складання тэхнічных заданняў.
Арганізатары жадаюць прадэманстраваць паспяховасці практыкі праекта «Лічбавая Майстэрня». Галоўная іх мара – ўдасканаліць супрацу паміж ініціятывамі і валанцёрамі, зрабіць яе больш трывалай і прадуктыўнай.
Даведка:
Лічбавая Майстэрня – маркет валанцёрскага абмену, дзе айці-валанцёры і грамадскія ініцыятывы могуць знаходзіць адзін аднаго.
