Распачынаем восеньскі цыкл мітапаў каманды Лічбавай майстэрні. 26 верасня на сустрэчы працуем з тэмай “Персанальныя дадзеныя ў грамадскіх арганізацыях”. Вядучы мітапа Сяргей Варанкевіч.
Навошта?
Улічваючы ўведзены ў сілу Агульны рэгламент абароны персанальных дадзеных Еўрапейскага саюза (GDPR), а таксама беларускі закон аб персанальных дадзеных, які абяцаюць у гэтым ці наступным годзе, актуальнасць тэмы інфармацыйнай прыватнасці для грамадскага сектара значна павялічыцца. Мы запрашаем пазнаёміцца з праблематыкай і асноўнымі правіламі.
Для каго?
На сустрэчу запрашаюцца супрацоўнікі грамадскіх арганізацый і актывісты, а таксама юрысты, якія распрацоўваюць правілы працы з персанальнымі дадзенымі на сайтах або сэрвісах грамадскіх арганізацый.
План
Падчас сустрэчы мы не толькі пачнем рэфлексію на тэму персанальныя дадзеныя ў грамадскіх арганізацыях, але і накідаем шаблонныя правілы, якія могуць быць карысны для прымянення на сайтах і сэрвісах грамадскіх арганізацый. План мерапрыемства наступны:
- Як персанальныя дадзеныя выкарыстоўваюцца ў грамадскіх арганізацыях.
- Разглядзець 1-2 прыклады правілаў НКА датычна персанальных дадзеных.
- Як новае рэгуляванне ў ЕС а таксама запланаваны закон ад персанальных дадзеных можа адгукнуцца на дзейнасці беларускіх НКА.
- Прынцыпы апрацоўкі персанальных дадзеных (абмежаванне мэтай, мінімізацыя і інш.)
Дата: 26 верасня Пачатак: 19:00 Працягласць: 2 гадзіны+ Месца: вул. Змітрака Бядулі 3, пам 2н, уваход са двара Арганізатар – Лічбавая майстэрня. Уваход бясплатны, але колькасць месцаў абмежавана. Неабходна зарэгістравацца.
Даведка: Гік-каміт - гэта сустрэчы каманды Лічбавай майстэрні, для айці-спецыялістаў і грамадскіх ініцыятыў. Кожная сустрэча прысвечана асобнай тэме. Тэмы могуць вагацца ад вузка тэхнічных да шырока сацыяльных. Тэмы сустрэч задаюць актыўныя ўдзельнікі супольнасці айціваланцёраў Лічбавай майстэрні.
